elecciones 2011 total votos matrimonial catolico kojit dieta snarfs david neal alabama wettervorhersage puerto del rosario fuerteventura song fashion free download

Viðtøkur

Viðtøkur

§ 1 Navn
Navn felagsins er: Havnar Harmonikufelag, stytt, HHF
Heimstaður: Tórshavnar Kommuna

§ 2 Endamál
Felagið er áhugafelag, og endamál felagsins er, at stuðla og menna harmonikuspæl og áhugan fyri harmonikutónleiki í Føroyum.

§ 3 Limaskapur
Øll við áhuga fyri harmonikutónleiki við bústaði í heimstaðarkommununi ella grannakommunum, har einki lokalfelag er, kunnu gerast limir við at gjalda limagjaldið.
Formaður / forkvinna í lokalfelag kann gerðast limur og kann møta á aðalfundi, men hevur ikki atkvøðurætt.
Er limagjaldið ikki goldið í tvey ár, verður limurin skrásettur sum óvirkin. Óvirkin limur kann møta á aðalfundi, men hevur ikki atkvøðurætt. Er ivamál kann nevndin taka endaliga støðu um limaskap.

§ 4 Skipan felagsins
Felagið verður stýrt av eini 3-manna nevnd, ið skipar seg sjálv við formanni, skrivara og kassameistara. Roknskaparárið er frá 01. januar til 31. december. Gerðabókin skal liggja frammi til skoðan á aðalfundinum. Aðalfundurin er hægsti myndugleiki felagsins. Aðalfundurin skal fráboðast limunum ein mánað frammanundan, á heimasíðu felagsins og við telduposti. Aðalfundur verður hildin á hvørjum ári, helst í apríl, við hesi skrá:

  1. Val av orðstýrara og fundarskrivara
  2. Formaðurin greiðir frá farna ári
  3. Framløga av grannskoðaðum roknskapi
  4. Val av nevnd og eykanevndarlimi
  5. Val av grannskoðara
  6. Ásetan av limagjaldi
  7. Innkomin mál
  8. Ymiskt

Fundurin hevur avgerðarrætt, uttan mun til tal av møttum limum. Vanligur meiriluti er galdandi, tó krevst 2/3 av møttum limum í meiriluta, um lógarbroyting skal fremjast.
Orðstýrarin ger av, nær atkvøðugreiðsla á aðalfundi skal verða skrivlig. Uppskot, sum ikki eru nevndini í hendi, seinast 14 dagar áðrenn aðalfundin, kunnu ikki koma til avgreiðslu, tó er uppstilling av valevnum undantikin.
Valevni og nevndarlimir skulu vera 18 ár ella eldri og limir í felagnum. Tveir nevndarlimir og ein eykanevndarlimur standa fyri vali annað hvørt ár og ein nevndarlimur og ein eykanevndarlimur standa fyri vali árini har ímillum. Nevndarlimir og eykanevndarlimir eru valdir fyri 2 ár.
Nevndin teknar felagið og hevur dagligu leiðsluna av felagnum. Nevndin hevur avgerðarrætt í øllum málum, sum ikki nýtast at koma fyri á aðalfundi. Til keyp og sølu av fastari ogn, og skuldbinding av felagnum, yvir 15.000 krónur, krevst aðalfundargóðkenning.
Kalla kann verða inn til eyka aðalfund, um meirilutin í nevndini, ella 1/3 av limunum krevja tað. Fráboðað skal verða til eyka aðalfund uttan drál 14 dagar áðrenn ásettan dag.

§ 5 Avtøka av felagnum
Felagið kann bert avtakast við tveimum aðalfundaravgerðum við minst 2/3 í meiriluta av møttum limum. Verður felagið avtikið, fella ognir tess til Reyðakross Føroyar.

Viðtikið á aðalfundi 10.04.2019. Viðtøkur frá 2006 fara hervið úr gildi.

Nevnd:
Sign. Stig Thomassen
Sign. Georg Egholm
Sign. Jaspur Petersen