Boða verður til aðalfundar í Havnar Harmonikufelag mikudagin 17. apríl 2024 kl. 19.00 í Tilhaldinum.

Skrá sambært viðtøkum felsgsins. Viðtøkur felagsins eru at finna á heimasíðuni hhf.fo undir “Felagið”.

Mál frá limunum, ið skulu til atkvøðu á aðalfundinum, skulu verða nevndini í hendi í seinasta lagið 14 dagar áðrenn aðalfundin.

Tveir nevndarlimir standa fyri valið og teir eru: Gorg Egholm, Stig Thomassen.

Eykanevndarlimur stendur fyri valið hvørt ár. Núverðandi eykanenvdarlimur er: Jens Erik Hansen.

Møtið fjølment.

Nevndin

Ísak, Georg og Stig

Havnar Harmonikufelag skipar fyri felagssangi og dansi í Reinsarínum leygardagin 17. februar 2024 kl. 19:00.

Sangløtan verður í ein tíma ella so. Í steðginum fara nakrir bólkar at spæla nøkur løg og onkrar góðar skemtisøgur verða at hoyra. Aftaná dansa vit til glaðar harmonikutónar til kl. 23:00.

Barrin verður opin, har tú fært ymiskt at leska góman við.

Kostnaður er: kr. 150,-, ið kann gjaldast á Reinsaríið – Tórsgøta (torsgota.fo), ella við dyrnar.

Aðalfundur 2023

Boðað verður til aðalfund í Havnar Harmonikufelag mikukvøldið 26. apríl
2023 kl.19 í Tilhaldinum í Tórshavn.

Skrá sambart viðtøkum felagsins:
1.Val av orðstýrara og fundarskrivara
2.Formaðurin greiðir frá farna ári
3.Framløga av grannskoðaðum roknskapi
4.Val av nevnd og eykanevndarlimi
5.Val av grannskoðara
6.Ásetan av limagjaldi
7.Innkomin mál
8.Ymiskt

Á heimasíðu felagsins HHF.fo og undir “Felagið” finnast viðtøkurnar.

Tveir nevndarlimir, Jaspur Petersen og Georg Egholm, og ein
eykanevndarlimur, Ísak Jacobsen, standa fyri vali.

Jaspur Petersen boðar frá, at hann tekur ikki við vali hesa ferð.

Tórshavn tann 25.mars 2023.

Nevndin
Jaspur, Stig og Georg.

Published 29. November 2022 | By Umsitari | Edit

Havnar Harmonikufelag ynskir øllum limum í felagnum eini Gleðilig Jól og eitt Gott Nýggjár, við tøkk fyri alt í tí skjótt farna ári.

Nevndin

Posted in Ikke-kategoriseret, Tíðindir

Vit bjóða limun vælkomin til  jólaborðhaldið hjá Havnar Harmonikufelag fríggjakvøldið 2. desember 2022, kl.19.30 í Tilhaldinum. Vit bjóða makum ella einum gesti við. Takið ljóðførini við.

Hjartaliga vælkomin og Gleðilig Jól.

Nevndin.

27. oktober 2022 vóru vit á vitjan á Mørkini í Hvalvík fyri at heilsa uppá Ingibjart, sum nú býr har saman við konuni. Ingibjartur hevur gjørt eitt megnar arbeiðið fyri felagið og hevur fest á blað og gjørt teldutøk meira enn 400 løg. Hesin skattur er nú tøkur hjá verðandi og komandi limun í Havnar Harmonikufelag. Fitt av fólkið var komið saman til hesa sang og hugnaløtu. Formaðurin, Jaspur Petersen nýtti hetta høvið til at handa Ingibjart heiðursbræv og mynd av tónleikabólkinum hjá Havnar Harmonikufelag. Ingibjartur var glaður og rørdur fyri heiðurin og takkaði fyri.

Sambært skránni spæla vit í stórasali í Mentunarhúsinum leygarkvøldið 27. august kl. 19:00 til 19:45.

Koronaavmarkingar hava gjørt tað trupult at áseta dag til borðhaldið hjá HHF. Nú er avmarkað til  100 fólk, sum kunnu samlast við ella uttan koronapass, so har rúmast vit væl og virðiliga.

Vit royna aftur og áseta dagin til ársveitsluna ( jólaborðhaldið), at vera leygarkvøldið tann 5. februar kl.19 í Tilhaldinum. 

Tit, sum meldaðu luttøku til jólaborðhaldið áðrenn jól, eru eisini tilmeldað til 5. februar, um ikki avboð er givið. Tað ber væl til at melda luttøku enn. Maki ella gestur er vælkomin við.

Vit hava opið hús mikukvøldið 26. januar kl. 20.30 til 21.30 til hugna og dans. Annars er kvøldið eitt vanligt venjingarkvøld.

HHF spælir til tað útsettu jólaveitsluna hjá Tilhaldinum 12. februar. kl 18 í Dansifrøi. + Hvíta skjúrtu og slips.

Harmonikudansur í Sjónleikarhúsinum sum skuldi verða 29. januar er avlýstur.

Okkara spæl og sangur er treytaður av, hvør koronaráðgeving verður til ta tíð.

Vegna nevndina

Georg, Stig og Jaspur.

Nú koronasmittan aftur er farin at gera um seg, halda vit í nevndini tað verða skilabest at steðga á við spæli og sangi. Vit hugsa okkum at byrja aftur seinnu helvt av januar 2022. Boðað verður frá við t-posti, tá vit koma út í januar 2022.

Jólaborðhaldið hjá HHF í Tilhaldinum, sum bleiv útsett, fara vit at royna at hava i seinnu helvt av januar 2022. í uppskoti eru 22. ella 29. januar.

Mikukvøldið 26. januar 2022 verður opið hús við harmonikuhugna og dansi ein tíma frá kl 20.30 til 21.30.

Alt velst um koronastøðuna í landinum til ta tíð.

Fyristøðumaðurin í Tilhaldinum Eirikur Suni hevur boðað frá, at tað útsetta jólaborðhaldið hjá Tilhaldinum nú er sett til leygarkvøldið tann 12. februar 2022 í Dansifrøi. Vit eru bidnir um at spæla til borðhald og dans.

Nevndin ynskir øllum spælarum og sangarum, limum í Havnar Harmonikufelag og tykkara kæru eini Gleðilig Jól og Gott Nýggjár við tøkk fyri alt í tí farna ári.

Vinarliga

Nevndin

V/ Stig, Georg og Jaspur

Vegna koronastøðuna í landinum og almennu tilmælunum avlýsir Havnar Harmonikufelag venjingina  mikukvøldið, tann 3. november 2021, kl.: 19:00 í Tilhaldinum.

Tiltakið opið hús er tí eisini avlýst 3. november 2021. Vit taka støðu viku fyri viku.

Nevndin

Havnar Harmonikufelag opnar dyrnar.

Havnar Harmonikufelag opnar dyrnar í Tilhaldinum, tá vit venja, fyri  pensjónistum og áhugaðum til harmonikuhugna ein tíma seinasta mikukvøld í hvørjum mánaða kl. 20:30 til kl. 21:30.  Hesin tímin  er mest ætlaður  pensjónistum, sum á henda hátt kunnu fáa sær eina hugnaløtu við harmonikutónleiki v.m. og møguliga enskum dansi ta løtuna. Tað kostar einki at koma inn. Kaffi og okkurt søtt undir tonnina verður at fáa til keyps. Fyrstu kvøldini verða 3. november og  24.november. Í desember verður einki. Vit rokna við at soleiðis verður opið hús  framyvir – seinasta mikukvøld í hvørjum mánaða ein tíma frá kl. 20:30 til kl. 21:30.

Tórshavn tann 18. oktober 2021

Havnar Harmonikufelag.

Í ár verður jólaveitslan hjá Havnar Harmonikufelag tann 11. december 2021 kl. 19 í Tilhaldinum. Í ár bjóða vit makunum við. Teir sum ikki hava maka eru vælkomnir at hava ein gest við.

Nevndin

Havnar Harmonikufelag kemur leygdardagin 04. september 2021 við mannsterkum harmonikuliði, saman við gitar, bass og sangarum, at spæla til felagssang og dans í Bygdahúsinum í Miðvági. Byrjað verður kl. 20. Harmonikudansur hevur verið tiltikin og væl dámdur. Vit fara aftur at fríska upp tann stemning og ljóm, sum harmonikan er so væl kend fyri at geva. Fyrri partur av kvøldinum verður mest felagssangur. Seinni partur av kvøldinum verður dansur.

Vit halda á til uml. midnátt.

Havnar Harmonikufelag

Dagførd 21. juni 2021.

Skrá fyri summarið og heystið 2021 sær soleiðis út:

29. juni 2021 kl.: 10:00 Sangløta á Finsen. Tilhaldið skipar fyri. 

3. juli 2021 kl.: 19:00 Reinsaríið Tórshavn.

17. juli 2021 Eydnan á Oyrarbakka (er útsett til 13. november 2021).

28. juli 2021 (Ólavsøkuaftan) verður spælt á fýra røktarheimum.

28. august 2021 kl.: 20:00 Sjónleikarhúsið Tórshavn – avlýst.

4. september 2021 kl.: 20:00 Bygdarhúsið í Miðvági.

25. september 2021 SALT Tvøroyri.