Isak
Miðvágur
Havnar Harmonikufelag
HHF 2021
Aðalfundur 2021
Boðað verður til aðalfund í Havnar Harmonikufelag mikukvøldið 14. apríl 2021 kl.19 í Tilhaldinum í Tórshavn.
Skrá sambært viðtøkunum felagsins.
Viðtøkurnar eru tøkar á heimasíðu felagsins – HHF.fo – Felagið – Viðtøkur.
Fyrivarni verður tikið fyri møguligum broytingum av ásetta fundardegi. Um broyting verður, lýsa vit við t-posti til limirnar og á heimasíðu felagsins í so góðari tíð sum gjørligt.
Vinarliga Vegna nevndina
Jaspur Petersen, formaður
Jólini 2020
Nevndin í Havnar Harmonikufelag ynskir øllum í felagnum eini
Gleðilig Jól og eitt Gott Nýggjár
við tøkk fyri tónleik, sang og felagsskap í tí skjótt farna ári.
Vh Nevndin
Jólaborðhaldið 2020
Havnar Harmonikufelag hevur jólaborðhald í Tilhaldinum leygardagin 12. desember 2020 kl 19.
Koronaráðgevingin mælir til, at tað ikki verða fleiri enn 20 fólk til hvørt jólaborðhald í ár. Vit eru uml. 20 virknir spælarar og sangarar í felagnum, so vit avmarka okkum til hesar til jólaborðhaldið. Virknir spælarar merkir í hesum føri limir, sum hava spælt við okkum fyrr, ella spæla við okkum nú. Tíðan verri, eingir makar ella gestir við í ár.
Til ber at melda seg til jólaborðhaldið her, ella til ein av nevndarlimunum. Felagið heldur kostnaðin av jólaborðhaldinum.
Tórshavn 12. nov. 2020.
Nevndin í Havnar Harmonikufelag.
Fyribils skráin fyri juni – september 2020.
Í hesum koronatíðum er trupult, fyri ikki at siga ógjørligt, at leggja nakra fasta ætlan fyri komandi mánaðarnar.
Tilmælini frá myndugleikunum, sum eru galdandi nú, og sum forða okkum í at hava nakran almennan harmonikudans ella felagssang, eru:
- Fjarstøða 2 m ( 1 m ) millum fólk.
- Í mesta lagi 100 fólk í bólki.
- Skeinkistøð lata aftur kl 22.
- At hava dans letur seg tí ikki gera.
- Tað sigst, at tað at syngja gevur størri smittuvanda
við dropasmittu, so felagssangur er einki gott hugskot nú.
Okkara manning er í búnum aldri, og tí skulu vit ansa okkum væl.
Tað, sum annars stóð á skránni hjá HHF komandi mánaðarnar, var:
- 27. juni: Harmonikudansur í Sjónleikarhúsinum evt. við felagssangi. (Helst avlýst).
- 25. juli: Bryggjudansur í Vágsbotni.( Ikki endaliga váttað ).
- 28. juli: Ólavsøkuaftan á Vaglinum kl 16. ( Ikki váttað ).
- 28.-30. august: Harmonikufestivalurin í Fuglafirði. ( Ikki endaliga váttað)
- 26. sept. SALT á Tvøroyri. ( Ikki váttað)
Í hesum døgum kann nógv broytast skjótt, so vit mega bara fylgja við í teimum tilmælum, sum koma.
Tórshavn tann 15.mai 2020
V/ Nevndina í HHF.
Jaspur Petersen form.
Útsetti aðalfundurin 2020
Vit byrja aftur mikukvøldið 6. mai 2020 kl. 19:00
Hey tit
Aðalfundurin útsettur
Aðalfundurin í Havnar Harmonikufelag, sum lýstur var at verða tann 22. apríl 2020, er útsettur grunda á almenn tilmæli frá heilsumyndugleikum móti koronasmittu. Lýst verður á heimasíðu felagsins (hhf.fo) og við telduposti, so skjótt til ber at hava aðalfund aftur.
Samfelagið verður nú opnað aftur varisliga
Samfelagið verður nú opnað aftur varisliga. Heilsu- og politisku myndugleikarnir byrja nú at loysa upp fyri avmarkingum í sosialari samveru. Fyrst verða tey ungu og barnafamiljur frísett.
Vit eru í tí eldra endanum og mega meta okkara støðu sum eyka sárbara. Vit standa helst seinast í røðini av teimum sum verða sosialt frísett.
Tilmælini frá heilsumynduleikunum:
Verið heima
Haldið fjarstøðu 2 m.
Ikki meir enn 10 fólk í sama hópi.
Helst uttandura.
Reinførið.
Tað er umráðandi at halda hesi tilmæli og fylgja dagføringunum, so koronasmittan ikki røkkur okkum. Vit í Havnar Harmonikufelag ætla at byrja aftur, so skjótt tað ber til.
Vit boða frá við telduposti við hóskandi freist, nær venjingarnar byrja aftur.
Vegna nevndina
Jaspur Petersen