Tíðindir

Útsetti aðalfundurin 2020

Published 2. May 2020 | By Isak

Útsetti aðalfundurin í Havnar Harmonikufelag, upprunaliga lýstur 12. mars 2020 at verða 22. apríl 2020, verður nú hildin mikukvøldið 27. mai 2020 kl. 19 í Tilhaldinum, Tórsgøtu 21, Tórshavn. Skrá samb.viðtøkum felagsins.

Vegna nevndina

Jaspur Petersen form.

Posted in Tíðindir

Vit byrja aftur mikukvøldið 6. mai 2020 kl. 19:00

Published 1. May 2020 | By Isak

Hey tit

Nú byrja vit aftur við harmonikuspæli í Tilhaldinum. Byrja verður mikukvøldið 6.mai. 2020 kl 19.

Vit hava fingið grønt ljós frá koronaráðgevingini við tí treyt, at vit halda tilmælið um 2m fjarstøðu, og annars halda øll tilmæli móti koronasmittu.

Vit koma tí at sita meira spjaddir og spæla, nakað sum vit fara at finna fram til fyrsta kvøldið, hvussu tað skal vera.

Kaffi/The drekka vit á tí staðnum vit sita og spæla, har ein ella tveir mans ganga runt og skeinkja.

So man tað fara at laga seg sum fragast.

Gleði meg at síggja tykkum aftur.

Vegna nevndina

Jaspur Petersen

Posted in Tíðindir

Aðalfundurin útsettur

Published 13. April 2020 | By Isak

Aðalfundurin í Havnar Harmonikufelag, sum lýstur var at verða tann 22. apríl 2020, er útsettur grunda á almenn tilmæli frá heilsumyndugleikum móti koronasmittu. Lýst verður á heimasíðu felagsins (hhf.fo) og við telduposti, so skjótt til ber at hava aðalfund aftur.

Vegna nevndina

Jaspur Petersen, form.

Posted in Tíðindir

Samfelagið verður nú opnað aftur varisliga

Published 13. April 2020 | By Isak

Samfelagið verður nú opnað aftur varisliga. Heilsu- og politisku myndugleikarnir byrja nú at loysa upp fyri avmarkingum í sosialari samveru. Fyrst verða tey ungu og barnafamiljur frísett.

Vit eru í tí eldra endanum og mega meta okkara støðu sum eyka sárbara. Vit standa helst seinast í røðini av teimum sum verða sosialt frísett.

Tilmælini frá heilsumynduleikunum:

Verið heima

Haldið fjarstøðu 2 m.

Ikki meir enn 10 fólk í sama hópi.

Helst uttandura.

Reinførið.

Tað er umráðandi at halda hesi tilmæli og fylgja dagføringunum, so koronasmittan ikki røkkur okkum. Vit í Havnar Harmonikufelag ætla at byrja aftur, so skjótt tað ber til.

Vit boða frá við telduposti við hóskandi freist, nær venjingarnar byrja aftur.

Vegna nevndina

Jaspur Petersen

Posted in Tíðindir

Aðalfundur 2020

Published 12. April 2020 | By Isak

Til limirnar í Havnar Harmonikufelag – HHF.

Boðað verður til aðalfund í Havnar Harmonikufelag mikukvøldið 22. apríl 2020 kl.19 í Tilhaldinum í Tórshavn.

Skrá sambært viðtøkunum felagsins.

Viðtøkurnar eru tøkar á heimasíðu felagsins – HHF.fo – Felagið – Viðtøkur.

Ein nevndarlimur og ein eykanevndarlimur standa fyri vali.

Fyrivarni verður tikið fyri møguligum broytingum av ásetta fundardegi. Um broyting verður, lýsa vit við t-posti til limirnar og á heimasíðu felagsins í so góðari tíð sum gjørligt.

Vinarliga

Vegna nevndina

Jaspur Petersen form.

Posted in Tíðindir

Havnar Harmonikufelag kemur 29. februar 2020 við mannsterkum harmonikuliði, saman við gitar, bass og sangarum, at spæla til felagssang og dans í SALT á Tvøroyri.
Byrjað verður kl. 20.
Harmonikudansur hevur verið tiltikin og væl dámdur. Vit fara aftur at fríska upp tann stemning og ljóm, sum harmonikan er so væl kend fyri at geva. Fyrri partur av kvøldinum verður felagssangur, seinni partur av kvøldinum verður dansur. Hugsast kann, at farið verður upp á gólv við onkrari vísu. Barrin verður opin. Her er gilt høvi til eitt hugna-, sang-, og dansikvøld burturav. Vit halda á til uml. midnátt.

Published 20. February 2020 | By Isak

Published 21. January 2020 | By Isak